पवित्र स्थल बौद्धनाथमा छैठौं ञिङमा मोन्लाम आजबाट शुरु
विश्व प्रसिद्ध बौद्धहरुको महान्तीर्थस्थल, विश्वसम्पदामा सूचिकृत बौद्धनाथ छोर्तेनज्यरुङखशोरमा नेपाल बौद्ध ञिङमा संघको आयोजनामा आज पौष शुक्ल पक्ष दशमी दखि पुर्णिमा सम्म पाँच दिने छैठौं नेपाल ञिङमा मोन्लाम कार्यक्रम शुरु भएकोछ।नेपाल बौद्ध ञिङमा संघले २०६६ साल देखि वार्षिक रुपमा पवित्रस्थल बौद्धनाथमा यो कार्यक्रम आयोजना गर्दै आएको छ। शाक्यमुनि बुद्धको जन्मभूमि नेपाल लगायत विश्वमै दिगो शान्ति, सुख, समृद्धिफैलाउन, नेपालमा रहेका बौद्ध तीर्थहरुको प्रचार प्रसार एवं धार्मिक तथा सांस्कृतिक महत्वलाई अक्षुण राख्न र आन्तरिक तथा बाह्य पर्यटक प्रवद्र्धनको साथै नेपालमा दिगो शान्ति स्थापना गर्नको लागि आयोजना गरिएको सो कार्यक्रम दैनिक विहान ७ः३० देखि अपह्रान ४ बजेसम्म हुने गर्दछ।पाठपूजा कार्यक्रममा महायान बौद्ध परम्परा अनुसार विहान शरणगमन, बोधिचित्तउत्पाद, प्रज्ञापरामिताहृदयसूत्र, आचार्य पद्मसम्भवका सप्त परिच्छेद, आर्य भद्रचर्याप्रनिधानराजा, आर्य मञ्जुश्रीनामसांगीति, तारा स्तुति आदिको साथै मंगल परिणामनाको पाठ गरिन्छ।उक्त पाठपूजा मोन्लम कार्यक्रममा विशिष्ठ अतिथिपरमपूज्य मुक्साङ टुक्लु रिन्पोछे, परमपूज्य नम्खा रिन्पोछे, परमपूज्य तेङबोछे रिन्पोछे, परमपूज्य पेमाथरछिन रिन्पोछे, परमपूज्य खेन्पो साङ्गेराङ्ज्युङ रिन्पोछे आदिको साथै नेपालमा रहेका विभिन्न जिल्लका गोन्पाहरुबाट हजारौं बौद्धभिक्षु, श्रमणेर, श्रमणेरिकाहरुको साथै उपसक, उपसिकाहरुको व्यापक उपस्थिति रहेका छन्।
